ტურისტული დარგის სრული აღდგენა

ტურისტული ბიზნესის დარგის სპეციალისტები დარგის განვითარების დადებით პროგნოზებს აკეთებენ. მათი თქმით, არსებული ტენდენცია საშუალებას იძლევა, ვისაუბროთ უკვე მიმდინარე წელს ტურიზმის სფეროს მაჩვენებლების სრული აღდგენის პერსპექტივაზე. მოსალოდნელია 2019 წელს მიღწეული რეკორდული შემოსავლის – 3,3 მილიარდი დოლარის – გადალახვა.

მიმდინარე წლის პირველი კვარტლის მონაცემებზე დაყრდნობით, ანალიტიკოსები ვარაუდობენ ტურიზმიდან შემოსული რეკორდული შემოსავლის ალბათობას 4,5 მლრდ დოლარის დონეზე. სტუმრების საერთო რაოდენობა, სავარაუდოდ, 10 მლნ-ზე მეტ ადამიანს შეადგენს.