საქართველოში უცხოელების ხარჯი გაიზარდა

სტატისტიკის ეროვნული სამსახურის მონაცემებით, 2024 წლის პირველ კვარტალში უცხოელებმა საქართველოში, დაახლოებით, 2,2 მილიარდი ლარი დახარჯეს, რაც წინა წლის ანალოგიურ მაჩვენებელზე 6,9%-ით მეტია. თანხების უმეტესი ნაწილი დაიხარჯა განთავსებაზე (27,3%), კვებაზე (24,2%), საყიდლებსა (20,%) და გართობაზე (18%).

2024 წლის პირველ კვარტალში საქართველოს 1,3 მილიონი მოგზაური ეწვია, რაც 7,6%-ით მეტია წინა წლის ანალოგიურ პერიოდთან შედარებით. ვიზიტების ძირითადი მიზანი იყო დასვენება, ნათესავებისა და მეგობრების მონახულება და ასევე საქართველოს გავლით სხვა ქვეყნებში ტრანზიტი. ყველაზე პოპულარული მიმართულებები თბილისი და აჭარა აღმოჩნდა.