საქართველო ბევრ ენერგიას მოიხმარს

საქართველოს ელექტროენერგეტიკული ბაზრის ოპერატორის მონაცემებით, ქვეყანაში ელექტროენერგიის მოხმარების ზრდა შეიმჩნევა. მიმდინარე წლის პირველ კვარტალში მაჩვენებლები 0,7%-ით აღემატება წინა წლის ანალოგიური პერიოდის მონაცემებს. სპეციალისტები გვაფრთხილებენ 2030 წლისთვის ენერგიის სერიოზული დეფიციტის საშიშროების შესახებ.

აღნიშნულია, რომ მიმდინარე წლის იანვრიდან მარტამდე საქართველოში 3,3 მილიარდი კილოვატ-საათი იყო გამომუშავებული. ეს მაჩვენებელი 6,7%-ით მეტია წინა წელთან შედარებით. ამასთანავე, აღნიშნულია, რომ 2,1 მილიარდი კილოვატ-საათი ჰიდროელექტროსადგურებმა გამოიმუშავა, დანარჩენი კი – თბოელექტროსადგურებმა.