სად მიდის მილიონობით ლარი?

საქართველოს სტატისტიკური სამსახურის “საქსტატის” ანალიტიკოსებმა გამოთვალეს, რომ ჩვენი თანამემამულეები საზღვარგარეთ მოგზაურობისას მილიონობით ლარს ტოვებენ. მხოლოდ მიმდინარე წლის პირველ კვარტალში ასეთმა ხარჯებმა 455,5 მლნ ლარი შეადგინა. ამ თანხაში შედის ტრანსპორტირების, კვებისა და განსახლების ხარჯები.

ქართველი ტურისტის მიერ უცხოეთში ერთი მოგზაურობისას დატოვებულმა საშუალო თანხამ 873,1 ლარი შეადგინა. აღნიშნულია, რომ ეს 5,1%-ით მეტია წინა წლის პირველი კვარტალის მაჩვენებლებთან შედარებით.