რეალურია თუ არა სვანეთში ტურიზმის განვითარება?
8 მაისი, 2024
ხელისუფლება გეგმავს სვანეთის მაღალმთიანი მხარის განვითარებას ისე, რომ ტურისტები მას ოთხივე სეზონზე ეწვიონ და მათი რიცხვი ყოველწლიურად გაიზარდოს. ამისთვის იმართება სხვადასხვა საერთაშორისო კულტურული და სპორტული ღონისძიებები. ასევე ამ წელს მესტიის აეროპორტში დაიწყებენ ახალი ტერმინალის მშენებლობას, რომელიც 2025 წლისთვის იქნება მზად.
სვანეთი განთქმულია თავისი შუა საუკუნეების კოშკებითა და სამთო-სათხილამურო კურორტებით – ჰაწვალითა და თეთნულდით. ამასთანავე, რეგიონის განვითარების მთავარი პრობლემები არის არასაკმარისად განვითარებული ინფრასტრუქტურა, ელექტრომომარაგების პრობლემა და კვალიფიციური კადრების ნაკლებობა სასტუმროებისა და რესტორნების ბიზნესში.
კომენტარის დატოვება