ოჯახის დღე ოფიციალური დღესასწაულია

17 მაისი მთავრობამ საქართველოში ოჯახის სიწმინდისა და მშობლების პატივისცემის დღედ გამოაცხადა. ახლა ეს ოფიციალური დასვენების დღე და დღესასწაულია, რომელიც საქართველოს მართლმადიდებელი ეკლესიის ინიციატივით 2013 წლის მოვლენების შემდეგ მოეწყო. მაშინ ლგბტ თემის მოწინააღმდეგეებმა დაარბიეს აქცია ჰომოფობიის წინააღმდეგ.

საქართველოში ოჯახის დღე 2014 წლიდან აღინიშნება, თუმცა წელს 17 მაისი პირველად გამოცხადდა ოფიციალურ დასვენების დღედ. საქართველოს მართლმადიდებელი ეკლესიის ეპარქიების მიერ ორგანიზებული მსვლელობა ქვეყნის 25 ქალაქში გაიმართა.