კონტინენტის საუკეთესო გუნდი
3 მაისი, 2024
ხორვატიის ქალაქ ზაგრებში ძიუდოს ევროპის ჩემპიონატი დასრულდა. 15 სპორტსმენის ძალით, საქართველოს ნაკრებმა გუნდურ შეჯიბრში პირველი ადგილის მოპოვება მოახერხა. ეროვნული ნაკრებისთვის ეს შედეგი უზრუნველყო ორმა ოქროს, ორმა ვერცხლისა და სამმა ბრინჯაოს მედალმა.
დასრულებულ პირველობაზე ევროპის ჩემპიონები გახდნენ ვაჟა მარგველაშვილი და ტატო გრიგალაშვილი. ილია სულამანიძე და გურამ თუშიშვილი ტიტულს ერთი ნაბიჯით დაშორდნენ. მესამე ადგილის მოპოვება ეთერ ლიპარტელიანმა და ოლიმპიურმა ჩემპიონებმა ლაშა შავდათუაშვილმა და ლაშა ბექაურმა შეძლეს.
ამასთანავე, გუნდურ შეჯიბრებებში ჩვენი სპორტსმენები ვერცხლის მედალოსნები გახდნენ.
კომენტარის დატოვება