გორის გვირაბი ისევ იკეტება

როგორც საქართველოს რეგიონული განვითარების სამინისტროს საავტომობილო გზების დეპარტამენტის წარმომადგენლები იუწყებიან, ხვალ და ზეგ 01:00-დან 07:00-მდე თბილისი-სენაკი-ლესელიძის ტრასაზე გორის გვირაბი კვლავ დაიკეტება. ამჯერად თბილისი-სენაკის მიმართულებით. მზად იყავით შემოვლითი გზის გამოსაყენებლად.

გზის მონაკვეთის დაკეტვა დაკავშირებულია დაგეგმილ პროფილაკტიკურ სამუშაოებთან. მანამდე გვირაბი სენაკი-თბილისის მიმართულებით უკვე ჩაკეტილი იყო რამდენიმე კვირით.