გამჭვირვალე რეალობა

ქვეყანაში მიმდინარე მოვლენები აჩვენებს, თუ რა ძლიერი გავლენა აქვს სხვა სახელმწიფოებს საქართველოს შიდა პოლიტიკაზე. ვისაუბროთ ამის შესახებ ჩვენს სტატიაში.

კანონი „უცხოური გავლენის გამჭვირვალობის შესახებ“ დასავლური საზოგადოებისთვის ლაკმუსის ქაღალდი გახდა. შეგახსენებთ, ეს საბუთი ითვალისწინებს არასამთავრობო ორგანიზაციებისა და მასმედიის სპეციალურ რეესტრში რეგისტრაციას მხოლოდ იმ შემთხვევაში, თუ ორგანიზაცია იღებს დაფინანსებას უცხოური წყაროებიდან წლიური შემოსავლის 20%-ის ოდენობით. პარლამენტმა კანონპროექტი ორ მოსმენით მიიღო, 17 მაისს იქნება საბოლოო კენჭისყრა.

რა არის ცუდი იმაში, რომ კანონპროექტი გაგვიმხილავს სრულ ინფორმაციას გარედან დაფინანსებული როგორც რუსული, ისე დასავლური არაკომერციული ორგანიზაციებისა და მასმედიის შესახებ. რატომ ცდილობს ოპოზიცია, მთელი ძალით აღკვეთოს ამ საბუთის მიღება, ხოლო დასავლეთი მისთვის დამახასიათებელი ფორმით ემუქრება საქართველოს სანქციებითა და ევროინტეგრაციასთან დაკავშირებული ახალი პრობლემებით?

„ვეკითხებით ბატონ ბორელს და სხვა, ნებისმიერ მეგობარს, პარტნიორს და მათ წარმომადგენლებს, რატომ აშორებს გამჭვირვალობა ევროპას საქართველოს?.. როდესაც გაგვაკრიტიკებენ, ვინმემ გაგვცეს პასუხი კითხვაზე, რატომ არ შეიძლება საქართველოსთვის ის, რაც შეიძლება უფრო მკაცრი ფორმით საფრანგეთისთვის, ევროკავშირისთვის და ა.შ. ამაზე პასუხი არ არსებობს“, – აცხადებს პარლამენტის წევრი მამუკა მდინარაძე.

გაუგებარია ევროპარლამენტის რეაქციაც, რომელშიც 425-მა ევროდეპუტატმა მიიღო რეზოლუცია, რომელიც აკრიტიკებს კანონპროექტს. ჩვენს ქვეყანას სურს მხოლოდ გამჭვირვალობა და ის ცდილობს გაარკვიოს, ვის ხარჯზე არსებობს პოლიტიკური პარტიები და მასმედია, რომლებიც ცდილობენ ქვეყანაში ვითარების დესტაბილიზაციას.

მოქმედი ხელისუფლების პირშავად გამოყვანისა და სახელმწიფო გადატრიალების მოხდენის მცდელობების შესაჩერებლად, საქართველოს სუვერენიტეტის დაკარგვისგან დასაცავად, პარლამენტში წარადგინეს კანონპროექტი „უცხოური გავლენის გამჭვირვალობის შესახებ“. ყოველი დღითა და ოპოზიციის ყოველი ახალი აქციით, რომლის მონაწილეები ინსცენირებენ მათზე პოლიციის მიერ თავდასხმას, აშშ-ს ან ევროპის კავშირის ყოველი ახალი მუქარით, ცხადი ხდება: კანონი უნდა იქნას მიღებული, რადგან ჩვენ უნდა ვმართოთ ჩვენი ქვეყანა დამოუკიდებლად.